十年前夕 | The Tenth Eve
19 12 2009十年前的今天，是葡國人管治澳門的最後一天。當年治安奇差，賊匪當道，黑幫橫行，人心惶惶。唯葡人懶理，紛紛盡最後努力掘金，打算回國後退休。1999年的12月19日，我已經忘了自己做過什麼，肯定的是當年的我絕對不會理解和感受到回歸的氣氛。2009年12月19日，我已出國四年，真的明白什麼是「家」的感覺，明白到離鄉別井的無奈。今次回來，適逄遇上回歸十年這麼的大日子，真的想拿著相機隨街走，記錄一下這個每天都在轉變的城市。
十年前夕，滿街繁華佈置和熣燦燈飾，人人都有LV和Gucci，實在令我感受到這十年來澳門的成就。十年的變化的確很大，或許有人會感概過往簡樸的小城不再，但這都是每個城市發展必經的。當我在美國人面前說「I am from Macau」時而他們知道在哪，我真的有一種莫名的感動和自豪，或許這就是我對澳門的情意結。
.
人人都有LV 和Gucci 算是成就?
每個城市發展必經?
想像你有兒有女時
他才升上初中便要你買LV Gucci 給他
只因為他的同學們都用LV Gucci
到時候你想一句每個城市發展必經安慰得了自己嗎?
再者, 滿街的繁華掩蓋了多少社會問題?
估唔到我個blog仲有人睇
首先，我冇話LV Gucci等於成就，呢個只係比喻d人比十年前富有左，但唔代表我支持人人都有LV Gucci。你講ge問題其實以前都有，不過係nike波鞋同gameboy，此乃教育問題，在此不談。事實只係，大部份居民生活比起十年前係真係好左。
我講城市發展唔係要安慰自己，而係講事實。一個城市由小城變大城市一定會經歷好多問題，錢多了，罪案、貪污、貧富差距、利益輸送同社會問題一定會出現，個個城市都有。要發展係一定有犧牲，我明白澳門犧牲左好多去換取名利，但澳門冇可能用幾年就可以撥亂反正，但要解決都唔係一朝一夕…
winson 你好似偷換左概念?
blog內文沒有說是青少年拿LV 或 Gucci,
為甚麼你又要強加呢種主觀概念落去呢?
而且青少年愛名牌的問題, 是商業社會的問題, 是商家為擴大商品市場而造就的一系列宣傳效果.
城市的發展必然會和原居民生活有衝突, 香港當年興建地鐵不也是抗議聲不斷?
如果你想過一些農家生活, 請到農村去, 而非在繁囂的城市中去尋求寧靜, 除非你有錢!
這就是資主社會領導下的社會現實.
Billy: 我用google reader 黎睇, 所以長睇長有, haha~~
前半部份我都明, 或者生活真係好左, 只係或者…
講城市發展, 你一定熟過我
但係我覺得, 呢個世界唔係得經濟一個方向去睇一個地方係咪有成就
我覺得文化更加重要…
shade: 我無偷換喎… 唔通你要我舉曬老中青/男女各一例咩
只係兒女/父母/妻子(丈夫) 一般係自己最親既人, 我舉左其中一個je
我無話要過農家生活, 唔好俾個咁既假設俾我…
不過我真係想係城市中尋求寧靜, 至於有無可能, 我都想聽billy 講下… haha~~
如果話社會現實就要接受的話, 我唔明點解村上春樹咁出名
「Always on the side of the egg 」
(註: 我對村上春樹既認識僅限於呢句野, haha~~)
喔…我都冇用rss reader習慣 XD
你講得o岩…經濟唔代表成就，但我相信(希望)時間可以改變現有的亂狀…